திருவண்ணாமலை - புண்ணியம் தேடி ஒரு பயணம்

எனது வாழ்க்கையில் கடினமான மற்றும் இக்கட்டான சூழ்நிலையில் எனது உடல், மனம் மற்றும் ஆவியை ஒருமுகப்படுத்தி நவ்வாழ்கை வழங்கியவர் என்று எனது இதயத்தில் வாழும் எனது தாய் மற்றும் தந்தை போல் என்னுடன் இருக்கும் இந்த திருவண்ணாமலை உண்ணாமுலையாள் (பார்வதி) மற்றும் அண்ணாமலையார் (சிவன்)

நான் பலமுறை திருவண்ணாமலை சென்று இருக்கிறேன். எனது திருமணத்திருக்கு முன்பும், திருமணமாகி எனது மனைவி ஆறு மாத காலம் தாய்மையாக இருந்த போது நாங்கள் திருவண்ணாமலை சென்று தரிசித்து விட்டு நாங்கள் குழந்தை பிறந்த பிறகு கண்டிப்பாக வந்து தரிசிக்கிறோம் என்று வேண்டிக்கொண்டோம்.

அதுபோல எங்கள் மகன் சர்வேஸ்வரன் பிறந்த பிறகு நாங்கள் திருவண்ணாமலை கோவில் சென்று நாங்கள் ஆசிர்வாதம் பெற்று வந்தோம்.

"நம்பினால் கைவிடமாட்டார் இந்த திருவண்ணாமலையார்".

திருவண்ண்னாமலைக்கு பழங்காலம் முதலே ஒரு தொன்ம முக்கியத்துவம் உள்ளது. சங்க காலம் தொட்டு குறிப்பிடப்பட்டுவரும் சில கோயில்களில் அது ஒன்று.

நிலவியலில் அடுத்த தடயம் உள்ளது. திருவண்னாமலை  ஒரு எரிமலை.

திருவண்ணாமலையில் உள்ள அந்த எரிமலை பல லட்சம் வருடம் பழையது. 

அந்த எரிமலை வெடித்து சிதறிய போது தீக்குழம்புகள் அதன் சுற்று வட்டாரத்தில் இருப்பதை காணலாம். உதயணமாக செஞ்சி மலை, பர்வதமலை.

அன்றிருந்தே  இந்த மலை ஆற்றல் வாய்ந்த பஞ்ச பூதங்களில் ஒன்றான அக்னி தளமாக இருந்து வருகிறது.

பின்னாளில் தியானத்தில் மூலாதாரத்தில் உள்ள  குண்டலினி சக்தி  எரிந்து சகஸ்ராரத்துக்குச் செல்வதைக் குறிக்கும் குறியீடாக இந்த அக்கினிமலை உருவகம்செய்யபப்ட்டது. 

ஆகவே துறவியருக்கு இது முக்கியமானதாக ஆகியது. நம் சித்தர்களில் பலர் அங்கே இருந்தவர்கள். இன்றும் அம்முக்கியத்த்வம் சற்றும் குறையாமல் தொடர்கிறது. திருவண்ணாமலையில் பல துறவிகள் பல ஞானிகள் இப்போதும் உள்ளனர்.

நாங்கள் காலை சென்னை யில் இருந்து பேருந்து முலமாக திருவண்ணாமலை வந்தடைந்தோம்.

பிறகு காலை உணவு முடித்த பிறகு கோவிலை வந்தடைந்தோம்.

கோவில் கட்ட கலை மிக அழகாக நேர்த்தியாக ரசிக்க கூடிய தாக இருந்தது. கோவிலுக்கு வெளியே தரிசனத்திற்க்கு தேவை யான நிறைய கடைகள் இருந்தன.

இக்கோவிலின் சிறப்பம்சம் என்னன்னா, 66 அடி உயரம் கொண்ட கோவிலின் கோபுரம். 

இது பதிமூன்று அடுக்குகளை கொண்டு பிரம்மாண்டமாக உருவாக்கப்பட்டிருக்கு. இத்துடன் ஏழு பிரகாரங்கள் மற்றும் ஒன்பது அழகான கோபுரங்கள் இருக்கு. 

இந்த கோவில் பல்லாயிரம் ஆண்டுகளுக்கு முன்பே தோன்றியது.

நான் அறிந்த சில குறிப்புகள்.

பதினைந்தாம் நூற்றாண்டில் மன்னர் கிருஷ்ணதேவராயரால் கட்டப்பட்ட இக்கோபுரம் உயரத்தில் இரண்டாவது கோபுரமாகும். 

கிழக்குப்புறம் உள்ள கோபுரம் ராஜகோபுரம் என அழைக்கப்படுகிறது. 

அருணாசலேஸ்வரர் கோயில் 25 ஏக்கர்  நிலப்பரப்பில் நிறுவப்பட்டுள்ளது.

அண்ணாமலையார் கோயிலில் உள்ள ஏழு பிரகாரத்தில் முதல் இரண்டு பிரகாரங்கள் பாண்டிய மன்னர்களால் கட்டப்பட்டது. 

மற்ற ஐந்து பிரகாரங்கள் சோழ மன்னர்களால் கட்டப்பட்டது.

இக்கோயிலில் இரண்டு தெப்பகுளங்கள் இருக்கு. இவை பிரம்ம தீர்த்தம் என்று சிவகங்கா தீர்த்தம் என்றும் அழைக்கப்படுது. 

மேலும், இங்கு ஓர் பிரம்மாண்டமான ஆயிரம் தூண்கள் கொண்ட அழகான மண்டபம் இருக்கு. இவை அக்காலத்தில் ஆட்சி செய்த மன்னர்களால் கட்டப்பட்டது. 

குறிப்பாக கர்நாடக மாநிலத்தில் ஆட்சி புரிந்த ஹோசலா மன்னர்களால் இங்கு இருக்கும் சில சன்னதிகள் மற்றும் பிரகாரங்கள் கட்டப்பட்டது.

நுழைவாயிலில் காவலர்கள் சோதனை செய்த பிறகு கோவில் உள்ள அனைத்து சன்னதி சென்று சாமி தரிசனத்தை பெற்றோம்

உண்ணாமுலையாள் (பார்வதி) மற்றும் அண்ணாமலையார் (சிவன்) சன்னதி சென்று சாமி தரிசனம் செய்தோம்.

பிறகு கோவில் கட்ட கலையை சுற்றி பார்த்தோம்.

பிறகு எங்கள் பையனைஅழைத்து வந்தபோது சாமி தரிசனம் முடித்த பிறகு Auto உதவி யுடன் கிரிவலம் வந்தோம்.

மலையை சுற்றி 13 கிலோ மீட்டர் முழுதும் இந்திர லிங்கம், அக்னி லிங்கம், , யேம லிங்கம், நிருதி லிங்கம், வருண லிங்கம், வாயு லிங்கம், குபேர லிங்கம், ஈசான்ய லிங்கம் ஆகிய லிங்கங்களை தரிசனம் பெற்றோம்.

கார்த்திகை தீபத்துடன் சர்வேஸ்வரன்

ஒவ்வொரு வருடமும் கார்த்திகை மாதத்தில் வருகின்ற கார்த்திகை நாள் ஏனைய கார்த்திகை நாட்களினை விடவும் விமர்சையாக கொண்டாடப்பட்டு வருகின்ற ஒரு விழா. 

அன்று திருவண்ணாமலையில்  தீபம் ஏற்றிய பிறகு நாங்கள் மாலைவேளையில் வீடுகளின் வெளிப்புறங்களிலும், வீட்டு முற்றத்திலும் விளக்கேற்றிக் கொண்டாடுவோம்.

*****நீங்களும் உங்கள் வாழ்வில் அனைத்திலும் வெற்றி பெற நாங்கள் அண்ணாமலையாரை பிரார்த்தனை செய்கிறோம்.